COP29 саммитинде "климаттык фонд" маселеси талкууланууда
БУУнун климаттын өзгөрүүсүнө байланыштуу конвенциясынын аткаруучу катчысы Саймон Стилл бардык өлкөлөрдү "театр сымал аракеттерден баш тартып, реалдуу иштерди жасоого" чакырды.
"Биз тараптар алдыга карай кадамын бирдей жасоого, жалпы позицияга жакындатууга даяр болгондо гана ишибизди аткара алабыз", - деди Стилл.
Саммитке дүйнө өлкөлөрүнүн климат жана айлана-чөйрөнү коргоо министрлери катышууда.
Анда өнүгүп келаткан өлкөлөр күйүүчү майды колдонуудан баш тартып, климат өзгөрүп жаткан шартка ылайыкташып, табигый кырсыктан кийин дуушар болгон чыгымынын ордун толтура ала тургандай көлөмдөгү "климаттык акчага" көбүрөөк жетишүүсү тууралуу маселеси каралууда.
Буга канча каражат керектиги боюнча пикир ар башка. Өнүккөн өлкөлөрдүн айрымдары "климаттык акча фондуна" Перс булуңундагы мунайга бай мамлекеттер жана Кытай чыгымдын кайсы бир бөлүгүн өзүнө алышы керектигин айтып жатышат.
Айрым эксперттердин пикиринде, 1 триллион доллардан кем эмес каражат зарыл. (RK)