МО на РФ: Севернокорејската ракета не претставуваше опасност за Русија
Русија го следеше ракетното лансирање во Северна Кореја и добиените податоци сведочат за тоа дека се работи за балистичка ракета со среден дострел, пренесува „Взгљад“.
Од рускиот воен ресор истакнуваат дека лансирањето било извршено во насока од границите на Русија и не претставувало опасност за земјата.
Русија загрижена поради зачестените ракетни тестирања на Северна Кореја
Според податоците на Министерството за одбрана на Русија, ракетата се кренала на височина од 535 км и прелетала околу 510 км, паѓајќи во централниот дел на Јапонското море.
Претходно Министерството за одбрана на Јапонија соопшти дека височината на летот на ракетата што ја лансираше Северна Кореја достигнала над 2,5 илјади километри и дека за 40 минути прелетала растојание од 900 километри.
Северна Кореја соопшти за прво успешно лансирање на балистичка ракета и изјави дека е подготвена да нанесе удар врз секоја точка во светот.