На местото на пожарот во Ростов на Дон пронајдена мина од II светска војна
Пожарникарите на местото на големиот пожар во Ростов на Дон пронајдоа мина од времето на Втората светска војна.
Ова на состанокот на оперативниот штаб го соопшти началникот на регионалната управа на Министерството за вонредни состојби на Русија Валериј Сињков.
„На местото на урнатините е пронајдена мина од времето на Втората светска војна, поднесено е барање за деминирање, припадници на Министерството за одбрана ќе ја извршат оваа работа“, изјави тој, пренесува ТАСС.
Во пожарот загина едно лице, пренесува „Взгљад”. Повредени се 58 лица, 9 се хоспитализирани. Оштетени се околу 120 станбени единици. Во Ростовската област е воведена вонредна состојба.