МААЕ нема докази дека Иран работи на нуклеарно оружје
Меѓународната агенција за атомска енергија соопшти дека нема кредибилни докази оти Иран работи на развивање на нуклеарна експлозивна направа по 2009 година. Според агенцијата, прашањето за иранската нуклеарна програма е затворено по извештајот објавен во декември 2015 година.
Во согласност со стандардната пракса на агенцијата, се наведува дека се проценуваат сите релевантни безбедносни информации кои им се достапни. Но, истакнуваат од МААЕ, дека не е нивна пракса јавно да дискутираат за прашања поврзани со такви информации.
Израелскиот премиер Бенјамин Нетанјаху порача дека неговата земја има документи кои покажуваат нови докази за иранскиот план за нуклеарно оружје кој може да биде активиран во било кое време.