ЕТА објави „целосно распуштање“
Баскиската сепаратистичка организација ЕТА денеска објави „целосно распуштање на сите структури“. Во писмото испратено до баскиските институции и невладини организации, кое го објави интернет порталот eldiario.es, ЕТА ја признава одговорноста за неуспехот во решавањето на „политичкиот конфликт“ во Баскија. Организацијата „Еускади та Аскатасуна“(ЕТА) што значи „Баскиска татковина и слобода“, уби 853 луѓе за време на својата вооружена кампања за создавање независна баскиска држава во северна Шпанија и во јужна Франција.