„Шарли ебдо“ се врати на Твитер
Францускиот сатиричен неделник „Шарли ебдо“ се врати на Твитер, првпат по нападот во редакцијата во јануари 2015 година. Првата порака им беше - „Се враќаме на мрежата со ваш аплауз и со охрабрување да не пцуете“. Од неделникот додаваат и дека заради техничкиот инцидент кој се случи независно од волјата на редакцијата во јануари 2015, биле приморани да ги прекинат пораките на Твитер.
Последниот твит неделникот го објави на 7 јануари, на денот на нападот во редакцијата. Браќата Шериф и Саид Куаши упаднаа во редакцијата на сатиричниот неделник и убија 11 новинари и карикатуристи, извикувајќи дека го „осветиле пророкот Мухамед“. По нападот седиштето на редакцијата е префрлено на непозната локација .