Авганистанската полиција спречила бомбашки напад
Авганистанските власти соопштија дека полицијата застрелала бомбаш самоубиец додека се подготвувал да изврши напад врз објект за донирање на крв во центарот на Кабул. Според нив, полицијата веднаш реагирала кога го забележала напаѓачот кој носел елек со експлозивна направа.
Се уште никој не презема одговорност за обидот за напад. Волонтери собирале крв за преживеаните од двојниот самоубиствен бомбашки напад на 30 април при кој загинаа 25 луѓе.