Узбекистанската Влада со декрет против принудната работа
![Узбекистанската Влада со декрет против принудната работа](https://gdb.rferl.org/2E4D162B-4DA9-4946-B816-CADD79BF716B_w800_h450.jpg)
Узбекистанската Влада издаде декрет кој има за цел да стави крај на праксата на принудна работа во земјата. Узбекистан кој е еден од најголемите извозници на памук, со години мобилизираше студенти како и вработени во училиштата и болниците да берат памук. Земјата престана да ангажира малолетници во 2015 година под притисок на меѓународната заедница.
Според декретот, на државните службеници, како и студентите не смее да им се издава наредба за работа, односно берење на памук или чистење на улиците, што досега беше пракса во земјата. Во декретот се повикува и обвинителството и министерството за труд да ги преземат неопходните мерки за спречување на таквата пракса.