Тројца убиени и 12 ранети во бомбашки напад во Авганистан
Најмалку тројца авганистански полицајци беа убиени откако група бомбаши-самоубијци ја нападнаа полициската станица во источната провинција Логар, информираа официјалните претставници.
Портпаролот на Талибанците, Забихулах Муџахид, потврди дека тие се одговорни за нападот.
Според Калид Сафи, портпарол на провинцискиот гувернер, убиени се командирот на полициската станица, еден офицер и заменик-директорот на сообраќајната полиција за главниот град на провинцијата.
Дванаесет други лица, меѓу кои и четворица полицајци и осум цивили, се повредени во нападот, изјави шефот на провинциската полиција, Мохмад Абдали.