Именување на членовите на ДИК до крајот на неделава?
Премиерот Зоран Заев, денеска во Прилеп, изјави дека до крајот на неделата собраниската Комисија за избори и именувања ќе ги именува членовите на Државната изборна комисија.
„Она што го слушнав вчера, додека беа пратеничките прашања, е дека чекаме на одлука на претставниците на ВМРО-ДПМНЕ. СДСМ ги утврди своите претставници, како и ДУИ. Веројатно помалата опозициска партија го има тоа направено и како што ме информираа координаторите на пратеничките групи, тоа ќе се заврши“, рече Заев.