Лидерска средба утре во 18 часот
“Заради исклучителниот политички момент кој наложува проширување на институционалната рамка на лидерските состаноци, на оваа средба во формат 1+1 (лидерот на партијата плус уште еден претставник на политичката партија), се поканети партиите со повеќе од еден пратеник во Собранието на Република Македонија” се наведува во владиното соопштение.
На средбата, како што најави Заев на прес конференцијата со еврокомесарот Јоханес Хан, се очекува да се забрзаат процесите за подготовката на Македонија за претстојниот референдум поврзан со Договорот за името.
Владиниот портпарол Миле Бошњаковски, пак, денеска рече дека било времеопозицијата да докажела дали е за членство на Македонија во ЕУ и НАТО и остави можност за постигнување договор на лидерска средба утре.
До несогласувањата дојде по инсистирањето на ВМРО-ДПМНЕ пред да се расправа во Собранието за изборот на членовите на Државната изборна комисија, да се усвојат Законот за финансирање на партиите и измените на Законот за влада. Власта пак сака изгласаат членовите на Државната изборна комисија за да почнат подготовките за есенскиот референдум.