Унгарија ќе се спротивстави на Договорот на ОН за мигрантите

Шефот на унгарската дипломатија, Петер Сијарто, денеска предупреди дека Унгарија ќе се откаже од Договорот со ОН за мигрантите, пред неговото конечно усвојување, бидејќи, како што рече, тој договор е закана за светот, јави новинаската агенција Ројтерс.


„Овој документ е целосно против безбедносните интереси на Унгарија“, изјави Сијарто.


Договорот треба да биде усвоен во декември во Мароко, но Сијарто најави дека Унгарија нема да учествува на тој состанок и дека ќе се спротивстави и ако дојде до гласање на договорот во Генералното собрание на ОН.