Димитров: Со контра-мерки за косовските царини ќе направиме уште полошо
Тој, на заедничка прес-конференција со неговиот косовски колега во Приштина Беџет Пацоли, изјави дека „ќе ја следиме новата европска политика и низ брз дијалог ќе го надминеме ова прашање“.
Според него, во време на поврзување и имплеменитрање на Берлинскиот процес кој токму тоа го налага, треба да се елиминираат бариерите.
„Мислам дека само тоа е патот за заштита и на нашите и на вашите производители. Мислам дека не можете да се заштитите себе си ако го повредите соседот. Не може една мерка да биде добра за Косово, ако не е добра за пријателот во соседството. Мора да најдеме решение“, рече Димитров.