Шпанија спаси 450 мигранти
Шпанската поморска спасувачка служба соопшти дека нејзините припадници денеска спасиле 450 луѓе кои се обидувале од Северна Африка да стигнат во Европа.
Се соопштува дека 294 мигранти пловеле преку Гибралтарскиот Проток во 17 бродови и оти бројот може да биде поголем со оглед на тоа што сè уште се трага по два брода.
Малку на исток, од три брода се извлечени 156 мигранти, меѓу кои и 30 жени и шест деца. Агенцијата за миграции на ОН информира дека од почетокот на годинава во Шпанија стигнале повеќе од 18 илјади мигранти.