Командантот на НАТО во Европа во посета на Турција во време на затегнати односи со САД

Генерал Кертис Скапароти, командантот на Здружените вооружени сили на НАТО во Европа, од утре ќе биде во официјална посета на Турција, објави АП.

Како што јави Анадолија, предвидено е американскиот генерал да се сретне со високи турски официјални претставници со кои ќе разговара за состојбата во Сирија, пред се во нејзините северни делови, каде се распоредни припадници на Вооружените сили на Турција.

Посетата на Сакапароти на Турција доаѓа во време на зголемени тензии во односите меѓу Вашингтон и Анкара, поради приведувањето на американскиот пастор Ендрју Бронсон во Турција и заканите на претседателот на САД, Доналд Трамп за воведување санкции кон турската држава поради овој случај.