Доживотен затвор за Украинка за шверц на дрога во Малезија
Една Украинка е осудена на доживотен затвор во Малезија, поради шверц на дрога. Малезискиот суд денеска пресуди дека 24-годишната Клаудија Лопаткина е виновна за шверц на над 1.5 килограми кокаин и ја осуди на доживотен затвор. Украинката беше уапсена во декември 2015 година на меѓународниот аеродром на островот Пенганг во Малезија, откако граничарите пронајдоа кокаин во неколку кутии со чоколади што ги носела. Лопаткина беше ослободена во декември 2017 година по првичното судење, но обвинителите поднесоа жалба. Во време на апсењето, Лопаткина беше бремена и роди ќерка додека беше во притвор во август 2016 година.