Мицкоски до Соботка: Има политички прогон

Претседателот на ВМРО-ДПМНЕ Христијан Мицкоски, потпретседателот на партијата Александар Николоски и членот на Извршниот комитет, Влатко Ѓорчев денеска се сретнале со претседателот на националниот совет на Австрија, Волфганг Соботка, кој е во посета на Македонија. Од опозициската партија информираат дека на средбата се разговарало за повеќе теми важни за стратешките приоритети на Македонија, како и за актуелните политичка и економска состојба во државата.


Од ВМРО-ДПМНЕ велат дека Мицкоски го информирал Соботка, за, како што пишуваат,политичкиот прогон кој го спроведува власта, преку монтирани случаи и злоупотреба на институциите.


Претседателот на ВМРО-ДПМНЕ посочил дека однесувањето на власта кон политичките противници е далеку од западните и европски вредности кон кои се стреми Македонија.


Мицкоски зборувал и за влошената економска состојба, велат од партијата. Соговорниците разговарале и за реформските приоритети кои се важни за членството на државата во ЕУ и НАТО.