Полската европратеничка Ана Фотига предлага создавање нов оддел во Европската комисија посветен на борбата против пропагандата, како и поголеми ресурси за справување со руските дезинформациски кампањи. Во нацрт-извештајот, во кој Радио Слободна Европа имаше увид, се предвидува антипропагандната единица да добие „соодветни кадровски и финансиски ресурси“ за да може да биде ефикасна. Европскиот парламент треба да дискутира за извештајот овој месец. Во прикриената критика до шефицата на европската дипломатија Федерика Могерини и до Европската комисија, нацрт-извештајот ги повикува „повеќе да се вклучат во оваа област“. Исто така се наведува дека членките на ЕУ „продолжуваат да го негираат постоењето на стратешка пропаганда, да ја препознаваат и да преземат проактивни мерки за спротивставување и разоткривање“. Голем дел од документот е посветен на социјалните медиуми, кои се опишани како „најчеста алатка за ширење дезинформации и непријателска пропаганда“.