Јоханис: Романија не е подготвена за претсeдавање со ЕУ

Романскиот претседател Клаус Јоханис денеска изјави дека Романија не е подготвена на 1 јануари следната година да го преземе ротирачкото претседавање со Европска унија и ја повика Владата да поднесе оставка.


Тој наведе дека ситуацијата „излета од шини“ и оти постои „политичка потреба за промена на Владата, која ја нарече „несреќен случај на романската демократија“.


Вјорика Данчила стана премиерка во јануари годинава, но според експертите, таа има мали извршни овластувањеа, додека Владата ја води лидерот на владејачката Социјадемократска партија Ливиу Драгнеа.


Драгнеа не може да биде премиер поради тоа што е обвинет за кражба на гласови.