Истрага дали полицајци му помагале на Груевски да избега
![Истрага дали полицајци му помагале на Груевски да избега](https://gdb.rferl.org/26F2D89D-951C-4E2B-9088-870A9961CDB1_cx0_cy5_cw0_w800_h450.jpg)
Портпаролот на владата Миле Бошњаковски денеска информира дека внатрешната контрола на МВР веќе започнала со испитување на евентуална вклученост на претставници од полицијата во планот за бегство на Груевски. МВР истражува на кој начин Груевски ја напуштил Македонија, како и дали имал надворешни помагатели.
На денешната прес-конференција, тој рече дека Министерството за правда ја собира потребната документацијата за екстрадиција на Груевски од Унгарија. Потоа таа документација ќе треба да се преведе на унгарски јазик и да им биде доставена на релевантните институции на Унгарија.