Бројот на жртви од пожарот во Калифорнија се зголеми на 63, над 600 исчезнати
Во пожарот биле уништени над 9.800 домови, а околу 52 илјади луѓе се евакуирани во засолништа, кај роднини и пријатели и во мотели, додека некои се сместени на големиот паркинг и блиската полјана во местото Чико, на 20 километри од огнот.
Пожарот кој почна пред една недела целосно го уништи местото Парадајс, каде што спасувачите ги извлекуваат телата на загинатите од изгорените куќи и автомобили.
Квалитетот на воздухот во голем дел од Калифорнија е толку лош поради големите облаци од чад, па училиштата од Сакраметно до брегот на Тихиот Океан денеска беа затворени.