Талибанците разговараат со американскиот пратеник за Авганистан
Високи претставници на талибанците имале тридневни разговори со американскиот мировен пратеник за Авганистан, Залмај Калилзад. Разговорите се одржувале во Катар, јавува Асошиетед прес.
Во денешниот извештајот се вели дека поранешниот гувернер на Талибанците во провинцијата Херат, Хаирула Каирхва и поранешниот воен командант на Талибанците, Мохамед Фазел, присуствувале на разговорите со Калилзад во Катар, каде што авганистанската милитантна група има политичка функција.
Каирхава и Фазел беа меѓу петмина високи талибански членови ослободени од американскиот воен затвор во заливот Гвантанамо, Куба во 2014 година, во замена за заробениот американски војник, Боу Бергдал. Сите сега се наоѓаат во Катар и се смета дека имаат доволно влијание врз талибанските борци во Авганистан за да посредуваат во мировен договор.
Стејт департментот на САД одби да коментира за наводните разговори меѓу официјалните претставници на САД и Талибанците.