Спасеното бебе во Русија почна да дише без апарати
Руската министерка за здравство Вероника Скворцова денеска изјави дека 10-месечниот Иван Фокин почнал да дише без респиратор и дека докторите во клиниката во Москва го исклучиле системот за одржување во живот.
Бебето Иван претрпело повреди на черепот, скршеници, дисфункција на бубрезите, дехидрација и хипотермија.
Бебето беше извлечено од урнатините на 1 јануари. Експлозијата се случи ден претходно, а во уривањето на зградата загинаа 39 лица.
Властите се сомневаат дека до експлозијата дошло поради истекување на гас за готвење.