Спасовски: Има индиции дека пожарите се подметнуваат од политички причини

Министерот за внатрешни работи Оливер Спасовски изјави дека за жал ситуацијата со пожарите во државата ескалира и дополни дека тоа се случува не се само поради временските услови што се поволни за пожари, затоа што имаме сушен период, меѓутоа и дека најголемиот дел од нив се пожари што се подметнуваат.

„Доколку ова што ни се случува е од политички причини, а имаме сериозни индиции тоа да го потврдиме во наредниот период, станува збор за сериозен тероризам што се прави на државата", изјави денеска министерот за внатрешни работи Оливер Спасовски пред француската амбасада.

Тој информира дека досега имаат поднесено кривични пријави против девет лица како сторители на пожари, а најголем дел од нив, како што посочува, се во врска со бизнис интереси во делот на трговијата со дрва.

“Апелирам во овој дел на пожарите и оние што се нарачатели од кој било апсект, ако е тоа од бизнис заедницата, бизнисот не се води преку предизвикување на штета врз природата. Ако е од политички аспект, сакам да упатам порака на политичарите да не се занимаваат

со работи што прават директна штета и на природата и на државата само заради ситни политички поени, со тоа не се добива ништо” рече Спасовски.