16 загинати во бомбашки напад во Пакистан

Во бомбашки напад на припадници на шиитските малцинства, убиени се 16 луѓе и речиси 30 се ранети, во југозападниот дел на Пакистан, соопштија властите.


Според информациите од локалните медиуми на кои се повикуваат новинските агенции, бомбата експлодирала денеска на Пазар, кој е под контрола на хазарското малцинство во Квета, рекол претставник на месната полиција. Некои од ранетите луѓе се во критична состојба, поради што бројот на жртви би можел да расте.


Членовите на шиитското малцинство во минатото биле цел на сунитски милитантни групи, вклучително и Исламска држава и во Авганистан и во Пакистан.