Пендаровски потрошил пола милион евра,а Река 25 илјади евра

За првата половина од претседателската кампања, кандидатот поддржан од владејачката коалиција Стево Пендаровски потрошил 484 илјади евра, додека неговиот противкандидат поддржан од албанската опозициска Беса и Алијанса за Албанците, Блерим Река потрошил 25 илјади евра. Ова го покажуваат финансиските извештаи кои ги објави Антикорупциската комисија на нејзината веб страна. Извештајот на кандидатката за претседател подржана од ВМРО-ДПМНЕ Гордана Силјановска Давкова се уште не е пристигнат во Антикорупциската комисија.

Пендаровски пријавил дека како приходи до сега прибавил 504 илјади евра, од кои 163 илјади доаѓаат од членарините од СДСМ,додека неговиот противкандидат Река пак пријавил приходи од 18 илјади евра кој ги добил како донации од Беса и Алијансата за Албанците.