Една година затвор и помилување за Иранката која ги поттикна анти-хиџаб протестите

Иранката која ги поттикна анти-хиџаб протестите, симнувајќи ја нејзината задолжителна исламска шамија како јавен гест на пркос била осудена на една година затвор, но била помилувана од врховниот лидер, соопшти нејзиниот адвокат.


Адвокатот Пајам Дерфшан денеска соопшти дека 32-годишната Вида Мовахад била осудена во март. Таа беше уапсена во ноември минатата година.


Адвокатот рече дека таа е на листата за помилување, но оти процедурата за ослободување сè уште е во тек. Засега нема коментар од иранските власти.


Врховниот водач, ајатолахот Али Хаменеи повремено помилува осуденици.


Мовахед, позната како „Девојната од улицата Енгелаб“ кусо беше уапсена во 2017 година, кога ја симна шамијата и мафташе со неа пред насобраните, качена на кутија, на улицата Енгелаб (Улица на Револуцијата) во Техеран на 27 декември 2017 година.