Деркоски повика на фер и демократски изборен процес

Претседателот на ДИК, Оливер Деркоски, ги повика сите учесници на изборите да обезбедат фер и демократски изборен процес, со почитување на Уставот и законите. Тој во интервју за МИА порача дека ДИК ќе направи сè изборниот ден да биде успешен, но оти тоа треба да го направат и останатите учесници. Според него, бројката на запишани избирачи во избирачкиот список е реална и податоците на МВР покажуваат дека земјата има над 2,5 милиони државјани.


Деркоски најавува дека првичните неофицијални резултати од избирачките места ќе бидат објавувани побрзо преку сликање на записниците, кои потоа со заштитени кодови ќе бидат испратени до Комисијата.


Тој верува дека цензусот во вториот круг ќе биде исполнет и ќе биде избран претседател. Но, доколку тоа не се случи, Деркоски наведува дека ДИК е подготвена да организира нови избори.