Градоначалник на Ново Село ќе се бира во втор круг
Општината Ново Село денеска нема да добие нов градоначалник, покажуваат податоците од изборните штабови на двете македонски партии кои учествуваа во локалните избори со свој кандидат, јавува новинската агенција МИА. Според податоците од Државната изборна комисија од избројани половина од гласачките ливчиња кандидатот на ВМРО-ДПМНЕ Николчо Стоилков води со освоени 49,64 од гласовите додека неговиот против кандидат од СДСМ Никола Андонов освоил 48, 54 проценти од гласовите. Според податоци од штабовите на двајцата кандидати има голем број неважечки ливчиња и најверојатно тие пресудиле да нема победник денеска.