Макрон им вети на работниците помали даноци
![Макрон им вети на работниците помали даноци](https://gdb.rferl.org/28F2DB54-033C-46AD-A6AE-2A569214295D_w800_h450.jpg)
Францускиот претседател Емануел Mакрон објави даночни олеснувања за работниците од средната класа и вети порепрезентативен парламент со цел да ги смири петмесечните протести на движењето „Жолти елеци“. Тој исто така предупреди дека Франција и Европа мора подобро да се борат против илегалната миграција. Макрон во телевизиското обраќање од Елисејската палата се осврна врз тримесечната национална дебата за причините за незадоволството на демонстрантите, како што се високите даноци, големата невработеност и се помалите плати.