Новости за 20.07.2018

Министерот за надворешни работи на Косово, Беџет Пацоли, изјави дека  кога некоја држава би го повлекла признавањето на друга, тоа би значело прогласување воена состојба и дека ниту една земја не го повлекла признавањето на независноста на Косово. Тој додаде дека ако една вербална нота за признавање е испратена до одредена држава, тогаш и за повлекувањето, со нота треба да се известена истата држава. „Кога ќе го повлечеш признавањето на една држава тоа му доаѓа дека си прогласил воена состојба. Читать дальше...

Сириските бунтовници се согласиле да им ги предадат на владините сили последните делови кои ги контролирале во провинцијата Кунеитра. Тоа ќе му овозможи на режимот на претседателот Башар ал Асад да воспостави контрола врз границата со Израел. Поголем број автобуси пристигнале во таа провинција за да ги пренесат борците, активистите и жителите кои не сакаат да ги прифатат условите за предавање, соопшти Сириската опсерваторија за човекови права. Сирија и Израел на два пати водеа војна околу границата... Читать дальше...

Од септември во Здравствениот дом - Скопје ќе се вработат 40 лекари и друг медицински персонал. Најмногу лекари ќе се примат во итната помош, домашната посета и превентивните тимови. Директорот, доктор Мехмедовиќ, очекува да се обезбеди минимум за квалитетна заштита. Потребни се натамошни вложувања.

Американскиот претседател Доналд Трамп му наложил на советникот за национална безбедност Џон Болтон да го покани рускиот претседател Владимир Путин на есен да го посети Вашингтон. Тоа го соопшти портпаролката на Белата куќа Сара Хакеби Сандерс. Таа додаде дека разговорите веќе биле во тек и оти до состанокот би дошло во Белата куќа. Претходно Трамп на твитер напиша дека се „радува на втора средба со Путин“.

Односите меѓу Грција и Русија и натаму се влошуваат откако беше соопштено дека тајмингот на планираната посета на рускиот министер за надворешни работи Сергеј Лавров на Атина на есен веќе не е соодветен. До ова дојде откако Атина и Москва најавија протерување дипломати. Причина, договорот меѓу Атина и Скопје за името и поканата Македонија да влезе во НАТО.

Министерот за надворешни работи Никола Димитров денеска и утре ќе оствари официјална посета на Косово. Покрај средбата со својот домаќин, првиот заменик премиер и министер за надворешни работи на Косово, Беџет Пацоли, министерот Димитров ќе биде примен и од претседателот на Косово, Хашим Тачи, како и од премиерот Рамуш Харадинај. Се очекува разговорите да бидат посветени на прашања од билатералните односи меѓу двете земји, како и перспекитвите на натамошната соработка во области од заеднички интерес... Читать дальше...

Владата на Црна Гора соопшти дека земјата е горда на својата историја и традиција и мирна политика „која ја доведе до позицијата стабилизирачка земја во регионот и единствена држава во која не се војуваше при распадот на поранешна Југославија“. Ова е реакција на црногорската влада на изјавата на претседателот на САД Доналд Трамп за Фокс њуз, во која Црна Гора ја опишаа како мала држава со „многу силни и агресивни луѓе“, откако многу домашни и странски медиуми беа заинтересирани владата да ја коментира таа изјава. Читать дальше...

Грчкиот премиер Алексис Ципрас разговарал со шефот на дипломатијата Никос Коѕијас за односите на Грција со Русија, соопшти грчката влада. Тие се согласиле дека Грција секогаш силно ќе одговори кога е во прашање национален суверенитет, како и дека владата ќе продолжи со својата политика за унапредување на односите со Русија на билатерално и мултилатерално ниво. Грчкиот весник „Катимерини", цитирајќи дипломатски извори, на 11 јули објави дека Атина решила да протера двајца руски дипломати и да го забрани влезот во земјата на уште двајца. Читать дальше...