Кралицата го одобри законот за Брегзит
Британската кралица Елизабета Втора денеска го одобри законот за Брегзит, осум дена пред официјално Велика Британија да излезе од Европската унија, соопшти британската влада.
„Нејзиното Величество даде кралско одобрениe на текстот со кој се регулираат условите за развод на Велика Британија по 47 години бурен брак со ЕУ“, на Твитер соопшти британскиот министер за Брегзит, Стив Баркли. Тој додава дека со тој закон на Велика Британија и се овозможува да излезе од ЕУ на 31 јануари.
Спогодбата за излез на 29 јануари треба да ја ратификува и Европскиот парламент, со што Британија ќе стане првата земја што ја напушта Унијата.