Русија и Кина бараат вакцина против коронавирусот
Русија соопшти дека добиле геном од коронавирусот од Кина и заедно со својот сосед ќе работат на развивање вакцина против тоа заболување. Во меѓувреме кинеските власти наведоа дека заклучно со денеска има 5974 потврдени случаи на коронавирус од кои 132 луѓе умреле. Други 9239 случаи кои се сомнителни за заболувањето се под надзор.
САД нуди помош на Кина во борбата против коронавирусот
Расте бројот и на заболени надвор од Кина, па има потврдени случаи во Европа, Северна Америка, Блискиот исток и на другите места низ Азија, што ја тера Русија, која засега нема потврден случај на коронавирусот, да се придружи во напорите за запирање на заболувањето.