Земјите-членки на ЕУ дадоа финално одобрување за Брегзитот
Земјите членки на Европската унија го дадода финалното одобрување за британското напуштање на блокот со што се отвори патот за утрешниот Брегзит.
Останатите 27 земји членки го одобрија договорот за повлекувањето на Британија во писмена форма, соопшти Европскиот совет денеска, ден откако Европскиот парламент со мнозинство гласаше за договорот за Брегзит. Излегувањето на Британија од ЕУ ќе стапи во сила утре во 23.00 часот по централно европско време.
Преговорите сега ќе се фокусираат на идната соработка. Британија е првата земја која го напушта овој политичкиот и економскиот блок.