Вучиќ: Берлин ќе го има главниот збор во дијалогот со Косово
„Мислам дека веќе знам кој ќе биде претставник на ЕУ за дијалогот (Белград и Приштина) и веројатно за Босна и Херцеговина. Ќе биде некој кој има голема поддршка од Берлин и кој има влијание во Берлин. Без разлика која е таа личност, Берлин преку Брисел фактички ќе го води главниот збор, што нема да биде лесно за нас. И ќе биде многу, многу тешко“, изјави Вучиќ за ТВ Прва.
Вучиќ за високиот претставник за надворешна и безбедносна политика на ЕУ, Жозеф Борел, кој вчера го посети Белград, изјави дека се работи за човек кој ги разбира политичките погледи и потреби на Србија, наспроти тие што мислат дека е нормално и е прашање на време кога земјата ќе ја признае независноста на Косово. Борел го најави назначувањето на посредник на ЕУ во дијалогот меѓу Србија и Косово.