МВР распиша меѓународни потерници за Красниќи и Рамадани

Министерството за внатрешни работи на својата интернет страница објави меѓународни потерници за Агим Красниќи и Сехат Рамадани, двајцата за кои вчера се обелодени дека не се вратиле на отслужување на казната во затворот во Штип. Красниќи и Рамадани не се пријавиле  во затворот по викенд отсуството, кое како што информираше директорот на затворот Мики Тодоров, го користеле како право од септември 2017 година.

И Сехад Рамадани од „Кондовската група“ на Красниќи не се вратил во затвор

Красниќи и Рамадани се дел од познатата „Кондовска група“ на кои им е судено за сторени кривични дела „злосторничко здружување“, „киднапирање“ и „рекет“. Двјацата добија казна затвор од по 15 години и досега отслужија вкупно 12 години. За доизвршување на казната затвор им остануваат уште три години и три месеци.