Хрватска очекува укинување на визите за САД
Хрватска, Романија, Бугарија и Кипар се единствените членки на ЕУ на кои САД сè уште не им ги укинале визите. Полска беше исклучена од визниот режим кон крајот на минатата година.
Радман се состана со американскиот државен секретар Мајк Помпео денеска во Минхен и по средбата истакна дека и визите и двојното оданочување треба да бидат решени до крајот на годината.
„Ние ги исполнивме сите (услови) и ова е актуелно прашање. Тоа е во интерес и на хрватските и на американските бизнисмени“, истакна Грлиќ Радман пред новинарите.