Зеленски повика на одржување локални избори во Доњецк и Луганск
Зборувајќи денеска на безбедносната конференција во Минхен, Володомир Зеленски повторно упати молба за поддршка од западните нации, да му дадат помош на Киев во борбата против сепаратистите поддржани од Русија.
„Војната во Украина, знам, е војна во Европа. Заедно со анексијата на Крим, таа веќе трае колку што траеше Втората светска војна – замислете“, рече Зеленски.
„Нашата желба денеска е да одржиме локално избори на целата територија на Украина, вклучително и одредени делови на регионите Доњецк и Луганск во октомври 2020 година“, рече тој додавајќи дека „постои иста таква желба и за територијата на Крим.“
„На луѓето во Доњецк им се потребни избори кои ќе бидат признаени од Украина и од целиот свет како легитимни“, рече тој: „и тие не можат да бидат такви ако бидат одржани на друг начин, освен во согласност со украинските закони, со звук на огненото оружје и без украинска контрола на нашата држава“, рече Зеленски.
Во декември Зеленски во Париз се сретна со неговиот руски колега Владимир Путин, како дел од таканаречените разговори според Нормандискиот формат. На средбата учествуаа и Германија и Франција.
Но, разговорите не успеаја да дадат кокретна резолуција за конфликтот, во кој загинаа повеќе од 13.000 луѓе и се раселени повеќе од еден милион.