Конзервативците ги освоија сите пратенички места во Техеран

Иранските власти соопштија дека конзервативните кандидати ги освоиле сите 30 пратенички места во главниот град Техеран, додека одложувањето на објавувањето на целосните резултати низ целата земја поттикна прашања во врска со нискиот одзив.


Пред гласањето на 21 февруари, илјадници апликации на реформистите и  умерените беа отвфрлени. 


Конзервативните клерици одобрија над 7.140 кандидатури, додека 9.000 отфлија.


Сето ова фрли сомнеж врз еветуалниот победник.


Државната телевизија денеска објави дека сите 30 места за Техеран во парламентот кој има вкупно 290 места им припаднале на конзервативните кандидати и дека поранешниот градоначалник Мохамед Багер Алалибаф е победник во главниот град.


Aлалибаф, кој е командант на воздушните сили во Исламската револуционерна гарда, се смета за главен кандидат за нов претседател на парламентот.


Резултатите во Техеран, каде гласачкото тело е полиберално отколку во другите делови на земјата, се многу поразлични од последните избори во 2016 година, кога умерените кандидати ги освоија 30-те места во регионот.


Во изборните единици каде кандидатите не успеаја да добијат 20% од гласовите, изборите за втор круг ќе се одржат во април.