Заев: Испратени се вербални ноти до Грција
„Не се срамите да разрешите министри, а Ви е страв да испратите вербална нота Грција за непочитување на Преспанскиот договор, “ изјави Мицкоски.
На ова Заев истакна дека до сега неколку пати реагирале и испратиле вербални ноти до Грција.
„Имаме вербални ноти за знаците, има дел од знаците веќе променето во Грција, имаме вербални ноти за имплементацијата за други ставови и секој пат од двете страни реагираме. Постои меѓународна група составена од двете земји која преговараат за трејд марковите, денеска се знае кога се менува пасошот, кога се отвораат поглавјата“ изјави Заев.
На ова му реплицираше Мицкоски.
„Зошто ги сменивте свидетелствата за образование, дали веќе го отворивте поглавјето за образование, па затоа ги сменивте ? “ праша Мицкоски. Одговорот на Заев беше дека во државата има нов Устав кој треба да се почитува и дека во Договорот тоа е јасно објаснето.
Груевски дел од расправата меѓу Заев и Мицкоски
Дуелот продолжи со жестоки реплики и за Договорот со Бугарија и за закочената работа на Комисијата за историски прашања како и за честите партиски обвинувања за корупција меѓу власта и опозицијата. Ова е прво телевизиско соочување на лидерите на двете најголеми македонски политички партии во пресрет на престојните избори.
Официјалната изборна кампања стартува на 20 дена пред одржувањето на предвремените парламентарни избори на 12 април. Предвремените избори беа распишани откако земјата не доби датум за преговори со Европската Унија.