Бројот на заболени од коронавирус во Кина опаѓа, расте во Европа, САД и Блискиот исток
![Бројот на заболени од коронавирус во Кина опаѓа, расте во Европа, САД и Блискиот исток](https://gdb.rferl.org/CD5A2733-8F30-460F-B30C-3ACC78BA9B11_w800_h450.jpg)
Додека кризата со коронавирусот во Кина е во опаѓање, бројот на заболени продолжува да се шири во земјите на Блискиот исток, Европа и Соединетите Американски Држави. За жаришта се уште се сметаат Јужна Кореја, Иран, Италија и Јапонија.
Иран денеска извести за 2922 потврдени случаи, меѓу кои и 23 пратеници и за 92 починати. Казахстан затвори две пристаништа во Каспиското море за бродовите кои доаѓаат од Иран и Азербејџан во обид да го спречи ширењето на вирусот.
Бројот на починати во Италија, пак, се искачи на 79 лица. Во Јужна Кореја вкупно заболени се регистрирани 5328 лица, а Украина и Мароко јавија дека имаат прв потврдени случаи на нивна територија.
Низ светот, повеќе од 92 000 луѓе се заболени од коронавирус, а 3100 починаа, а 95 отсто од нив се на територијата на Кина, од каде што во декември почна коронавирусот.