СЗО ги предупреди младите дека и тие се ранливи од коронавирусот

Стотици милиони луѓе ширум светот го поминуваат викендот затворени дома поради препораките и мерките за самоизолација кои ги преземаа повеќе влади во обид да го спречат ширењето на коронавирусот. Во меѓувреме бројот на починати од Ковид19 во светот се искачи на 11 400, а од Светската здравствена организација ги предупредиja младите дека „не се непобедливи“.


Пандемијата ги засегна животите на луѓето низ цел свет, а во обид да се спречи ширењето на вирусот е ограничено движењето на голем дел од популацијата, затворени се школите, бизнисните, а милиони луѓе се принудени да работат од дома. Други, пак, веќе ги изгубија своите работни места.




Иако повозрасните и оние со претходни заболувања се најпогодени од вирусот, генералниот директор на СЗО Тедрос Аданом Гебрејесус денеска ги предупреди младите дека и тие исто така се ранливи.


"Денеска имам порака до младите: не сте непобедливи. Вирусот може да ве остави во болница со недели, па дури и да ве убие“, рече Тедрос.


Во меѓувреме Европа останува центар на пандемијат, а бројот на потврдени заболени случаи во светот се искачи на 275 000 луѓе.