Влада: Пријавете непочитување на анти-корона мерките

Владата и Инспекцискиот совет отворија посебни телефонски броеви и умејлови и апелираат до граѓаните да ги пријавуваат неправилностите и непочитувањето на владините мерки и препораки за спречување на ширењето на заразата со коронавирусот.

Пријавувањето на телефонските броеви е бесплатно:

Државан инспекторат за труд / poplaki@dit.gov.mk / 151 31

Државен пазарен инспекторат nepravilnosti@dpi.gov.mk / 191

Државен санитарен и здравствен инспекторат / prijavi.dszi@gmail.com / 0800 255 55

Агенција за храна и ветеринарство / sin@fva.gov.mk / 0800 3 2222

Државен инспекторат за транспорт / prijavi@dti.gov.mk

Агенција за лекови и медицински средства / prijavi@malmed.gov.mk

Влада: Сите мерки и препораки важат до завршување на вонредната состојба

„Без исклучок секој кој нема да се придржува до мерките на Владата ќе биде санкциониран. Овие мерки се донесени во интерес на здравјето на граѓаните и на јавното здравје и мора да се почитуваат. Повикуваме на одговорност од секое правно лице, од секоја индивидуа во нашето општество. Јавното здравје зависи од сите нас“, соопшти Владата.