ЕУ бара земјите членки да ги отворат границите за клучните професии
Земјите членки на Европската унија треба да им дозволат на стотиците илјади сезонски работници кои извршуваат земјоделски работи да ги минуваат границите и покрај мерките што ги преземаа во обид да го спречат ширењето на коронавирусот, соопштија денеска од Европската комисија.
27-те земји кои се членки на Унијата воведоа гранични контроли поради пандемијата, но како што пишува агенцијата Ројтерс, тоа има последици при производството на храна, медицински услуги, а засега и други прекугранични работници.
Околу 1,5 милиони луѓе живеат во една земја членка на ЕУ, а работат во друга. Меѓу клучните професии, за кои Европската комисија бара да се отворат границите, се и лекарите, полицијата и транспортните работници. На пример, во Луксембург повеќето здравствени работници живеат во Франција и Белгија.