Ангеловска: Готова е листата на корисници на домашната платежна картичка

Министерката за финансии, Нина Ангеловска, денеска соопшти дека секој граѓанин од денеска може да провери дали е корисник на домашната платежна картичка. Списоците на корисниците согласно дефинираните критериуми со владината Уредба се изготвени и конечната листа е објавена на веб-страницата kupuvamdomasno.gov.mk, а веќе се печатат и првите картички и наскоро ќе почнат да се издаваат на корисниците.

Таа информираше и дека банките ќе почнат да ги доделуваат картичките од крајот на оваа недела, а сите картички ќе треба да бидат издадени најдоцна до 18 јули и искористени најдоцна до 15 август.

Владата ќе расправа за мерките за справување со ковид-19

„Заведени се вкупно 324.479 корисници на листата за Домашна платежна картичка и согласно тоа мерката ќе чини 28 милиони евра, односно поточно 27,8 милиони евра. Со овие средства ќе се поддржат таргетираните категории граѓани, ќе се поттикне потрошувачката на домашни производи и услуги и преку вбризгување на 28 милиони евра ќе се поттикне економската активност. Ова ќе придонесе за ревитализирање на македонската економија во услови на Ковид-19“, рече министерката Ангеловска.