По 100 дена нов случај на коронавирус во Центар Жупа
Во општина Центар Жупа, каде што беа регистрирани првите два случаи на болни од коронавирус на 26 февруари, по повеќе од 100 дена е регистриран нов случај на заразен.
Раководителот на Заводот за јавно здравје- единица во Дебар, Ментор Мела за РСЕ изјави дека станува збор за жена од селото Голем Папрадник. Според него, таа е на лекување во Клиниката за инфективни болести во Скопје, а во изолација се четири лица.
Првиот човек на општинскиот кризниот штаб во Центар, Жупа Фехми Скендер за РСЕ вели дека по евидентирањето на најновиот случај позитивен од Ковид- 19, е извршана дезинфекција на повеќе улици во селото а контролата од полицијата е редовна на лицата кои се во изолација .
„Вирусот е и понатаму присутен во општината и покрај тоа што првите две лица болни од Корионавирус беа пред повеке од три и пол месеци. Токму заради тоа се превземени сите потребни мерки и се бара од населението да ги почитува мерките на владата“, вели тој.
Во единицата на Заводот за јавно здравје во Дебар велат дека состојбата е загрижувачка со најновите 11 случаи на болни во општината, бидејки не се почитува носењето на маски и потребната дистанца.
Во Општината Маврово- Ростуше каде до скора немаше појава на вирусот за само десет дена се регистрирани 4 случаи позитивни на Ковид- 19.
Филипче: Вториот бран дојде порано од очекуваното
Во последните 24 часа регистрирани се 193 нови случаи на Ковид- 19. Додека пак 46 пациенти оздравеле, а починале 9 лица, пет од Скопје, двајца пациенти од Куманово, по еден пациент од Тетово и од Охрид.