Ципрас: Докажавме дека во историјата на Балканот не се потребни победници и поразени

Поранешниот грчки премиер и лидер на СИРИЗА, Алексис Ципрас по повод две години од потпишувањето на Договорот од Преспа порача дека докажале еднаш засекогаш дека во историјата на Балканот не се потребни победници и поразени.

„Пред две години се сретнавме во Преспа, онаму каде што низ историјата поминаа победници и поразени, триумфатори и трагични херои. Им се обративме на нашите народи, на народите од Балканот кои се бореа за слобода, но беа измачувани и се измачуваат од отровот на националистичката омраза, на меѓународните конфликти и братоубиствените војни. И докажавме еднаш засекогаш дека во историјата на Балканот не се потребни победници и поразени. Доволна е почитта и силната волја за заедничка иднина на мир и развој“, напиша Ципрас на Фејсбук.

Две години од Преспанскиот договор

Според него, Грција се нашла на правилната страна на историјата, а тоа го покажуваат во пракса и оние кои се бореле против договорот.