5 години затвор за поранешниот француски премиер Фијон
Француски суд денеска го прогласи за виновен поранешниот премиер Франсоа Фијон за плаќање на неговата сопруга над еден милион евра јавни средства за „фиктивна работа“ и го осуди на пет години затвор, од кои три може да ги служи преку општокорисна работа, пренесе АП.
Фијон ќе треба да плати и казна од 375.000 евра и ќе му биде забрането да се кандидира на избори во период од 10 години. Неговата сопруга Пенелопе доби тригодишна условна казна, парична казна од 375.000 евра и двегодишна забрана за кандидирање на избори
Фијон е обвинет за фиктивно вработување на сопругата Пенелопе, што и донело повеќе од еден милион евра. Тоа беше скандал поради кој му пропадна претседателската кампања во 2017 година.