Полицијата приведе десет жени и сопственик на објект поради трговија со луѓе
Десет жени од Македонија, Албанија и Косово биле пронајдени во угостителски објект во село Добридол, Гостивар. Сопственикот на објектот и жените се уапсени поради основано сомнение за извршено кривично дело трговија со луѓе.
Инспектори од Министерството за внатрешни работи врз основ на писмена наредба од судија извршиле претрес во угостителски објект и други помошни простории сопственост на Р.Б.(46) од с. Добридол, поради основано сомнение за сторено кривично дело неовластено производство и пуштање во промет на наркотични дроги, психотропни супстанции и прекурсори.
При извршениот претрес во угостителскиот објект биле затекнати десет женски лица на возраст од 21 до 39 години од кои три државјанки на Македонија, шест државјанки од Албанија и една од Косово, кои заедно со сопственикот на угостителскиот објект Р. Б. биле приведени и задржани во полициска станица Гостивар поради основано сомнение за извршено кривично дело трговија со луѓе.
Против нив по завршување на постапката ќе бидат поднесени соодветни поднесоци.