Копач: Верувам дека одлуката на РКЕ за струјата е правилна

Регулаторната комисија за енергетика (РКЕ) е независен енергетски регулатор што работи транспарентно и професионално и се смета за најдобар регулатор две години по ред во рамки на сите девет договорни страни на Енергетската заедница (ЕЗ). Не можам да проценам дали зголемувањето на цената на електричната енергија од 7,43 отсто беше точно вистинското, но верувам дека независната РКЕ со своите познавања донела правилна одлука, порачува директорот на Секретаријатот на ЕЗ Јанез Копач во интервју за МИА.

Според него, барањето за намалување на цената на електричната енергија за домаќинствата за 46 отсто по примерот на некои од соседните земји, што беше истакнато на протестите против поскапувањето на струјата, би било сосема нереално ако се има во предвид дека земјава е нето увозник на електрична енергија.

Граѓаните годишно добија една сметка за струја повеќе

Национализација на струјата- PSE JO

Од покачувањето на цената на струјата пред еден месец, речиси секојдневно, се организираат граѓански протести против одлуката на РКЕ во повеќе градови во Северна Македонија. И една од причините за денешниот протестен марш на опозициската ВМРО-ДПМНЕ е, како што рекоа, поскапувањето на струјата.